काठमाडौं । सरकारले निजगढ अन्तर्राष्ट्रिय विमानस्थल निर्माण कार्यलाई अघि बढाउने भएको छ । यसका लागि बजेट पनि विनियोजन गरिएको छ ।

सोमबार संसद् बैठकमा आउँदो आर्थिक वर्षको बजेट प्रस्तुत गर्दै अर्थमन्त्री डा. प्रकाशशरण महतले निजगढ अन्तर्राष्ट्रिय विमानस्थल बनाउने घोषणा गरे ।

“निजगढ विमानस्थलको ईआइए अध्ययन, बस्ती स्थानान्तरण, मुआब्जा वितरण, जग्गा संरक्षणलगाय पूर्वतयारीका कार्यहरूका लागि बजेट छुट्ट्याएको छु,” उनले भने, “लगानी मोडालिटी तयार गरी यस विमानस्थल निर्माण कार्यलाई चाँडै अघि बढाइनेछ ।”