विराटनगर । राष्ट्रिय क्रिकेट टिमका खेलाडीलाई कोसी प्रदेशको राजधानी विराटनगरमा सम्मान गरिएको छ । एसिया कप छनोटअन्तर्गत भएको लिग टु स्पर्धामा उपाधि विजेता भई एसिया कपमा छनोट भएको टिमलाई उद्योग संगठन मोरङ, मोरङ व्यापार संघ र नेपाल उद्योग वाणिज्य महासंघ कोसी प्रदेशले सम्मान गरेको हो ।

विराटनगर विमानस्थलबाट राष्ट्रिय टिमका खेलाडीलाई स्वागतसहित विराटनगर परिक्रमा गराइने तय गरिएको छ । विमानस्थलमा औधोिगक संस्थका पदाधिकारी र सर्वसाधारणले राष्ट्रिय खेलाडीहरुलाई स्वागत गरेका छन् । 

खेलाडीहरूलाई कंचनाबारी चोकबाट र्रयालीसहित बरगाछी, तीनपैनी चोक, रोडशेष चोक, महेन्द्र चोक हुँदै पुनः बरगाछीसम्म लगिनेछ । 

उद्योग संगठन मोरङका अध्यक्ष सुयष प्याकुरेलले एसिया कपमा छनोट हुनु नेपाली क्रिकेटको इतिहासमा ठूलो उपब्धि भएकाले खेलाडीलाई औद्योगिक क्षेत्रको तर्फबाट सम्मान गरिएको बताएका छन् । आज साँझ विराटनगरमा रात्रिभोजसहित खेलाडीको सम्मानमा कार्यक्र गर्ने संगठनले जनाएको छ ।