काठमाडौं । नेपाल नागरिक उड्डयन प्राधिकरण (क्यान) ले नेपाल वायुसेवा निगमका (नेपाल एयरलाइन्स) का कार्यकारी अध्यक्ष युवराज अधिकारीलाई तीन विषयमा स्पष्टीकरण सोधेको छ ।
गत फागुन २४ गते र्याम्प ज्याकेट र परिचयपत्र नलगाई त्रिभुवन अन्तर्राष्ट्रिय विमानस्थलको एयरसाइडमा पुगेका थिए ।
त्यस विषयमा सुरक्षा कक्ष लिइ चैत २० गते ‘एक साताभित्र प्रमाणपत्र पेस गर्न भनेको थियो । तर, समय बितिसक्दा पनि पेस नगरेको भन्दै ?’ भनी पुनः स्पष्टीकरण सोधेको हो ।
यस्तै, उडानकै क्रममा पाइलटलाई निलम्बन गरेको र योग्यता नपुगेको व्यक्तिलाई अपरेसन विभागको निर्देशक बनाएको बारेमा स्पष्टीकरण सोधेको प्राधिकरणका प्रवक्ता जगन्नाथ निरौलाले जानकारी दिए ।
अधिकारीले गत मंगलबार हङकङबाट काठमाडौंको न्यारोबडी जहाज उडान गरिरहेको बेला पाइलट रविन्द्र शेरचनलाई निलम्बन गरेका थिए ।
उडानकै समयमा पाइलटलाई निलम्बन गर्दा सुरक्षामा समेत खतरा आउने भन्दै अधिकारीसँग स्पष्टीकरण सोधेको निरौलाले जानकारी दिए ।
