अर्थ व्यवसाय
काठमाडौं । नेपाल एयरलाइन्सले तीन वटा जहाज खरिद गर्ने योजना अघि बढाएको छ ।
दुर्गम क्षेत्रलाई हवाई कनेक्टिभिटि बढाउन तीन जहाज खरिद गर्न लागेको एयरलाइन्सले जनाएको छ ।
जहाज खरिद गर्न सञ्चालक समितिका सदस्य वरिष्ठ क्याप्टेन सुधीर शमशेर राईको संयोजकत्वमा सात सदस्यीय उपसमिति गठन गरिएको छ । उक्त उपसमितिले कार्य समेत सुरु गरिसकेको एयरलाइन्सले जनाएको छ ।
यी जहाजहरू निगमले आफ्नै आन्तरिक स्रोतबाट नियमानुसार पारदर्शी रुपले निर्माता कम्पनीसँग खरिद गर्न लागेको हो ।
निगमले नयाँ तीन वटा जहाज खरिद गरेपश्चात नेपालका दुर्गम क्षेत्रमा अझै धेरै यात्रुहरूलाई सेवा प्रदान गर्न सकिने एयरलाइन्सले जारी गरेको प्रेस विज्ञप्तिमा उल्लेख गरिएको छ ।
प्रकाशित मिति: सोमबार, वैशाख ४, २०८० १७:३४
प्रतिक्रिया दिनुहोस्