काठमाडौं । नेपाल उद्योग वाणिज्य महासंघको भोलि (२९ गते) हुने निर्वाचनका लागि उपाध्यक्ष पदका उमेदवारहरू एजेण्डासहित प्रस्तुत भएका छन् ।
मंगलबार महासंघको ५७औँ साधारणसभामा उपस्थित मतदातामाझ आफ्नो एजेण्डासहित उपाध्यक्षका उमेदवारहरुले मत मागेका हुन् ।
महासंघको जिल्ला नगरतर्फ उपाध्यक्षमा अरुणराज सुमार्गी, दिनेश श्रेष्ठ र सुरकृष्ण वैद्य प्रतिस्पर्धामा छन् ।
बस्तुगततर्फ मनिषलाल प्रधान, सुकुन्तलाल हिराचन र हेमराज ढकाल प्रतिस्पर्धामा छन् ।
यस्तै, एसोसिएटतर्फ ज्योत्सना श्रेष्ठ र भरतराज आचार्य प्रतिस्पर्धा गर्दै छन् । उनीहरूले आफ्नो एजेन्डा प्रस्तुत गर्दै भोट मागेका छन् ।
महासंघको नयाँ कार्यसमिति चयनको लागि चैत २९ चुनाव हुँदै छ । चुनावबाट वरिष्ठ उपाध्यक्षसहित नयाँ कार्यसमिति चयन हुनेछ ।
महासंघ विधानअनुसार तीन वर्षपछि अध्यक्ष बन्नको लागि यो अधिवेशनमा वरिष्ठ उपाध्यक्षमा निर्वाचित हुनुपर्छ । विधानअनुसार वरिष्ठ उपाध्यक्ष चन्द्र ढकाल अध्यक्ष बन्नेछन् ।