काठमाडौं । म्यानचेस्टर युनाइटेडले बुधबार इंग्लिस लिग कपको सेमिफाइनल पहिलो लेगमा नटिङघम फरेस्टमाथि ३–० को सहज जितसहित फाइनल प्रवेशको सम्भावना बलियो बनाएको छ ।
नटिङघमको मैदान सिटी ग्राउन्डमा भएको खेलमा युनाइटेडलाई जित दिलाउन मार्कुस रासफोेर्ड, ह्वाउट वेगहर्सट र ब्रुनो फर्नान्डेजले समान एक गोल गरे ।
खेलको छैटौँ मिनेटमा रासफोर्डले गरेको गोलमा युनाइटेडले अग्रता लिएको थियो । ४५औँ मिनेटमा वेगहर्सटले युनाइटेडको अग्रता दोब्बर बनाए । खेल सकिन एक मिनेट बाँकी हुँदा फर्नान्डेसले युनाइटेडका लागि तेस्रो गोल गरेपछि पाहुना टिमले ३–० को जित हासिल गर्यो ।
युनाइटेड सन् २०१७ पछि क्लबको उपाधि खडेरी तोड्ने लक्ष्यमा छ । युनाइटेड २०१८ मा एफए कपको फाइनलमा प्रवेश गरे पनि उपाधि जित्न असफल भएको थियो ।