काठमाडौं । साहित्यकार निशा केसीको लघुकथाकृति ‘ओजन’ लोकार्पित भएको छ । शनिबार काठमाडौंमा स्रष्टा समाज नेपालद्वारा आयोजित कार्यक्रमका प्रमुख अतिथि प्रा.डा. लक्ष्मणप्रसाद गौतमले उक्त कृति सार्वजनिक गरे ।
कृति सार्वजनिक उप्रान्त मन्तव्य दिँदै प्रा.डा. गौतमले केसीका लघुकथा सिद्धान्तभित्रै रहेको बताउँदै उनका लघुकथाले पाठकको मनलाई झङ्कृत गर्ने उल्लेख गरे ।
कृतिमाथि समिक्षात्मक टिप्पणी गर्दै प्रा.डा. ज्ञानू पाण्डेले निशाका लघुकथाले प्रेम, चेतनाको आगो, समाजको वर्तमान अवस्था आदि समेटेको बताइन् ।
कार्यक्रममा लघुकथा समाजका अध्यक्ष गोपाल अश्कले केसीले मुक्तकमा नाम कमाएपनि उनको पहिलो परिचय कथाकारकै भएको बताए । त्यस्तै साहित्यकार विवश पोखरेलले कृतिभित्रका लघुकथा निक्कै गहन र मननयोग्य रहेको बताए ।
कार्यक्रममा डा. सदानन्द कँडेल, निशा केसी, श्रीओम रोदन, मन्दिरा मधुश्री, रिता खत्री, मधु पाठकलगायतले बोलेका थिए ।