जनकपुरधाम । मधेस प्रदेशमा प्रतिनिधिसभाको २६ स्थानको मतपरिणाम सार्वजनिक भइसकेको छ । ६ वटा निर्वाचन क्षेत्रको गणना हुँदै छ । हालसम्म सार्वजनिक भएको मत परिणामअनुसार मधेस प्रदेशमा पुनः नेपाली कांग्रेस नै ठूलो दल बन्ने देखिएको छ । 

तर, आइसकेको परिणामअनुसार भने अहिले एमाले अग्रस्थानमा छ । एमालेले सात सिट जितिसकेको छ । कांग्रेसले ६ स्थानमा जित हासिल गरिसकेको छ भने गणना हुन बाँकी रहेको दुई स्थानमा अग्रता लिएका छ । गणना हुन बाँकी क्षेत्रमा एमालेको अग्रता नरहेका कारण कांग्रेसले अग्रता लिएका दुवै क्षेत्रमा जित निकाले पहिलो पार्टी बन्ने छ । 

यस्तै, जनता समाजवादी पार्टी (जसपा)ले तीन सिट जितेको छ भने गणना हुन बाँकी रहेको दुई स्थानमा अग्रता बनाएको छ । अग्रता बनाएका जसपाका दुवै उमेदवार जित्ने सम्भावना बढी देखिएको छ । सिरहा निर्वाचन क्षेत्र २ बाट जसपाका राजकिसोर यादव र धनुषा १ बाट दीपक कार्कीले अग्रता कायम राखेका छन् ।

लोकतान्त्रिक समाजवादी पार्टी (लोसपा)ले मधेसमा अहिलेसम्म तीन स्थानमा जितेको छ । लोसपाका नेता राजेन्द्र महतो झिनो मतले सर्लाही निर्वाचन क्षेत्र २ मा पछाडि छन् । 

नेकपा (एकीकृत समाजवादी)ले मधेसमा दुई स्थानमा जित हासिल गरेको छ भने नेकपा (माओवादी केन्द्र)का उमेदवारले अन्तिम परिणाम आउन बाँकी रहेका तीन क्षेत्रमा अग्रता लिएका छन् । महोत्तरी निर्वाचन क्षेत्र १ मा गिरिराजमणि पोखरेल र सर्लाही २ बाट महेन्द्र यादव जितउन्मुख देखिएका छन् ।

मधेसमा यसपटक तीन क्षेत्रमा स्वतन्त्र उमेदवारले जितेका छन् भने एक सिट जनमत पार्टीले जितेको छ । स्वतन्त्रमध्ये सर्लाहीमा कांग्रेसका बागी अमरेस सिंहले जितेका छन् भने रौतहटमा एमालेको टिकेट त्यागेर स्वतन्त्र लडेका प्रभु साह र किरण कुमार साह जितेका छन् ।
 
०७४ को निर्वाचनमा महन्थ ठाकुर नेतृत्वको तत्कालीन राजपा मधेसमा ठूलो दल थियो । उसले प्रत्यक्षमै नौ सिट जितेको थियो । उपेन्द्र यादव नेतृत्वको संघीय समाजवादी फोरम नौ सिटसहित दोस्रो स्थानमा थियो भने कांग्रेसले ६ र माओवादीले पाँच सिट मात्रै जितेका थिए । ०७४ मा एमाले मधेसमा कमजोर थियो । उसले दुई स्थानमा मात्रै जित हासिल गरेको थियो । 

यसपटक एमालेले मधेसमा निकै सुधारिएको प्रदर्शन गरेको छ । विगतभन्दा पाँच सिट बढी जितेको एमाले अहिलेसम्म समानुपातिकतर्फ मधेसमा पहिलो पार्टीको रुपमा अगाडि बढिरहेको छ । मधेसमा कांग्रेस पनि विगतभन्दा राम्रो नतिजा निकालेको छ । तर, माओवादी भने विगतभन्दा कमजोर भएको नतिजाले देखाउँछ । 

कुन क्षेत्रमा कुन उम्मेदवारको कस्तो ?
 
धनुषा १ : दीपक कार्की ( जसपा ) : १२९५१
धनुषा १ : मातृका यादव ( नेकपा माओवादी ) : ९६७९
धनुषा २ : रामकृष्ण यादव ( नेपाली कांग्रेस ) : २०११२ : निर्वाचित
धनुषा ३ : जुली कुमारी महतो ( नेकपा एमाले ) : ३३३५५ : निर्वाचित
धनुषा ४ : रघुवीर महासेठ ( नेकपा एमाले ) : ११६८९
धनुषा ४ : महेन्द्र यादव ( नेपाली कांग्रेस ) : १३५५८
महोत्तरी १ : गिरिराजमणि पोखरेल ( नेकपा माओवादी केन्द्र ) : १४७७०
महोत्तरी १ : लक्ष्मी महतो कोइरी ( नेकपा एमाले ) : १३७३३
महोत्तरी २ : सरत सिंह भण्डारी ( लोसपा ) : २५१९० : निर्वाचित
महोत्तरी ३ : राम आधार कापर ( स्वतन्त्र ) : ११५२९
महोत्तरी ३ : महन्थ ठाकुर ( लोसपा ) : १४७२४
महोत्तरी ३ : हरि नारायण यादव ( जसपा ) : १३४६६
महोत्तरी ४ : महेन्द्र कुमार राय ( नेपाली कांग्रेस ) : २१२३६
महोत्तरी ४ : सुरेन्द्र कुमार यादव ( जसपा ) : १६२०५
सप्तरी १ : नवल किशोर साह ( जसपा ) : २२५९५ :निर्वाचित
सप्तरी २ : चन्द्र कान्त राउत ( जनमत पार्टी ) : ३५०४२ : निर्वाचित
सप्तरी ३ : दिनेश कुमार यादव ( नेपाली कांग्रेस ) : २६१६६ : निर्वाचित
सप्तरी ४ : तेजुलाल चौधरी ( नेपाली कांग्रेस ) : ६६९२
सप्तरी ४ : शुकदेव प्रसाद साह ( जनमत ) : ४९७५
सप्तरी ४ : बालकिशोर यादव ( जसपा ) : ५०१५
सर्लाही १ : रामप्रकाश चौधरी ( लोसपा ) : २४८३८ : निर्वाचित
सर्लाही २ : महिन्द्र राय यादव ( नेकपा माओवादी केन्द्र ) : १५१०७
सर्लाही २ : राजेन्द्र महतो ( लोसपा ) : १४०६१
सर्लाही २ : राजनारायण साह ( नेकपा एमाले ) : १०८१९
सर्लाही ३ : हरिप्रसाद उप्रेती ( नेकपा एमाले ) : ३२९३८ : निर्वाचित
सर्लाही ४ :अमरेश कुमार सिंह ( स्वतन्त्र ) : २००१७ : निर्वाचित
रौतहट १ : माधव कुमार नेपाल ( नेकपा एकिकृ समाजवादी ) : ३३५२२ : निर्वाचित
रौतहट २ : किरण कुमार साह ( स्वतन्त्र ) : ३२८४२ : निर्वाचित
रौतहट ३ : प्रभु साह ( स्वतन्त्र ) : ३२४३७ : निर्वाचित
रोतहट ४ : देवप्रसाद तिमलसेना ( नेपाली कांग्रेस ) : ३४१६१ : निर्वाचित
पर्सा १ : प्रदिप यादव ( जसपा ) : २२५३७ : निर्वाचित
पर्सा २ : अजय कुमार चौरसिया (नेपाली कांग्रेस ) : २८४५१ : निर्वाचित
पर्सा ३ : राज कुमार गुप्ता ( नेकपा एमाले ) : २४२६० : निर्वाचित
पर्सा ४ : रमेश रिजाल ( नेपाली कांग्रेस ) : ३१२२४ : निर्वाचित
बारा १ : अच्युतप्रसाद मैनाली ( नेकपा एमाले ) : ३९१९५ : निर्वाचित
बारा २ : रामसहाय प्रसाद यादव ( जसपा ) : ११२६५
बारा २ : शिवचन्द्र प्रसाद कुशवाहा ( नेकपा माओवादी केन्द्र : ११५५४
बारा ३ : ज्वालाकुमारी साह ( नेकपा एमाले ) : २०२५१
बारा ३ : रामबाबुकुमार यादव ( जसपा ) : १७२७९
बारा ३ : लालबाबु सिंह भुइहार ( लोसपा ) : ११९६४
बारा ४ : कृष्णकुमार श्रेष्ठ ( नेकपा एकिकृत समाजवादी ) : २८३०७
बारा ४ : एकवाल मिँया ( नेकपा एमाले ) : १९११३
सिरहा १ : राम शंकर यादव ( नेकपा एमाले ) : २९४६२ : निर्वाचित
सिरहा २ : चित्रलेखा यादव ( नेपाली कांग्रेस ) : १७८७५
सिरहा २ : राज किशोर यादव ( जसपा ) : १९४९३
सिरहा २ : बिनोद कुमार यादव ( जनमत ) : १५६२३
सिरहा ३ : लिलानाथ श्रेष्ठ ( नेकपा एमाले ) : २८०६४ : निर्वाचित
सिरहा ४ : वीरेन्द्र प्रसाद महतो ( जसपा ) : २४१०२ : निर्वाचित