दाङ  । दाङको घोराहीमा मध्यरातमा भएको आगलागनीबाट तीन फर्निचर उद्योगहरु जलेर खरानी भएका छन् । फर्निचर उद्योग र सोरुमहरुमा एकै साथ भएको आगलागीबाट   करोडौँको क्षति भएको छ । 

घोराही उपमहानगरपालिका – १५ उमेशमार्गमा रहेका तीन वटा फर्निचर उद्योगमा आगलागी हुँदा ‘न्यू दाजुभाइ फर्निचर उद्योग, दाजुभाइ फर्निचर उद्योग, स्टार दाजुभाइ फर्निचर उद्योगका साथै ऊँ प्रकृति सो रुम जलेर पूर्ण रुपमा नष्ट भएका छन् । 

तीन फर्निचर उद्योग, एउटा सो रुममा  पूर्ण रूपमा जलेर नष्ट भएको  र त्यसबाट झन्डै ७ करोड बराबरको धनमाल जलेर नष्ट भएको अनुमान गरिएको जिल्ला प्रहरी प्रमुख एसपी बीरबहादुर वलीले बाह्रखरीलाई जानकारी दिए । 

राति करिब १२ बजेतिर लागेको आगो बिहान करिब ५ बजेतिर मात्रै  नियन्त्रणामा आएको थियो । आगो नियन्त्रण लिन नेपाल प्रहरी, सशस्त्र प्रहरी, स्थानीय रातभर ठूलो संख्यामा खटिएका थिए ।