काठमाडौं । हिमालयन बैंक र सिभिल बैंकको नाफा बढेको छ । हिमालयन बैंकले सिभिललाई गाभ्ने सम्झौता गरेको छ ।

हिमालयन बैंकले यो वर्षको पहिलो त्रैमासमा ५३ करोड रुपैयाँ नाफा गरेको छ । अघिल्लो वर्ष पहिलो त्रैमासमा हिमालयन बैंकको नाफा ४५ करोड रुपैयाँ थियो ।

सिभिल बैंकले यो अवधिमा ४१ करोड रुपैयाँ नाफा गरेको छ । गत आर्थिक वर्षको पहिलो त्रैमासमा २९ करोड १८ रुपैयाँ नाफा गरेको थियो ।

हिमालयन बैंकले असोज मसान्तसम्म एक खर्ब ७० अर्ब रुपैयाँ निक्षेप संकलन गरेर एक खर्ब ५२ अर्ब कर्जा प्रवाह गरेको छ । अघिल्लो वर्ष असोज मसान्तसम्म हिमालयन बैंकले एक खर्ब ६८ अर्ब रुपैयाँ निक्षेप संकलन गरेको थियो । कर्जा एक खर्ब ४७ अर्ब रुपैयाँ थियो ।

सिभिल बैंकको असोज मसान्तसम्म ९२ अर्ब निक्षेप संकलन गरेर ८३ अर्ब कर्जा दिएको छ । गत वर्ष असोज मसान्तसम्म सिभिलले ९४ अर्ब निक्षेप संकलन गरेर ८३ अर्ब कर्जा दिएको थियो ।

असोज मसान्तसम्म सिभिल बैंकको पुँजीकोष अनुपात १६ प्रतिशत छ । बैंकको कर्जा निक्षेप अनुपात ८६.८० प्रतिशत छ । ब्याजदर अन्तर (स्प्रेड) ४.३२ प्रतिशत छ । कर्जाको न्यूनतम आधार दर (बेसरेट) ११.०९ प्रतिशत छ ।

हिमालयन बैंकको पुँजीकोष अनुपात १२.६७ प्रतिशत छ । खराब कर्जा २.३१ प्रतिशत छ । कर्जा निक्षेप अनुपात ९०.४० प्रतिशत छ । बेसरेट १०.४३ प्रतिशत छ । स्प्रेड ३.८९ प्रतिशत छ ।