काठमाडौं । चालु आर्थिक वर्ष ९आव० २०७९/८० को पहिलो त्रैमासम्ममा सिभिल बैंकको नाफा ४२.२२ प्रतिशतले वृद्धि भएको छ । बैंकले सोमबार सार्वजनिक गरेको चालु आवको पहिलो त्रैमाससम्मको वित्तीय विवरण अनुसार गत वर्षको सोही अवधिको तुलनामा नाफा वृद्धि भएको हो ।

बैंकको खुद ब्याज आम्दानी र सञ्चालन मुनाफामा वृद्धि भएसँगै खुद नाफा पनि वृद्धि भएको हो । गत आवको पहिलो त्रैमाससम्म २९ करोड १८ लाख रुपैयाँ नाफा आर्जन गरेको बैंकले चालु आवको सोही अवधिमा ४१ करोड ५० लाख रुपैयाँ नाफा आर्जन गरेको छ ।  

बैंकको खुद ब्याज आम्दानी ६२.२० प्रतिशत वृद्धि भएको छ । खुद सञ्चालन मुनाफा २८.४८ प्रतिशत वृद्धि भएको छ । गत आवको पहिलो त्रैमाससम्म ९० करोड ६९ लाख रुपैयाँ सञ्चालन मुनाफा गरेको यो बैंकले चालु आवको सोही अवधिमा एक अर्ब १६ करोड ५२ लाख रुपैयाँ खुद सञ्चालना मुनाफा गरेको छ ।

बैंकले हालसम्म ८३ अर्ब ७७ करोड रुपैयाँ कर्जा लगानी गरेको छ भने ९२ अर्ब ५९ करोड रुपैयाँ निक्षेप संकलन गरेको छ । गत आवको पहिलो त्रैमाससम्मको तुलनामा निक्षेप संकलन घटेको छ भने कर्जा प्रवाह बढेको छ । निक्षेप संकलन २ प्रतिशत घटेको छ । कर्जा प्रवाह भने ०.४१ प्रतिशतले वृद्धि भएको छ ।

बैंकको चुक्तापुँजी नौ अर्ब सात करोड ५८ लाख रुपैयाँ कायम भएको छ भने जगेडा कोषमा दुई करोड ४९ लाख ३३ हजार रुपयाँ कायम भएको छ । जगेडा कोषको रकम ३२.२३ प्रतिशत वृद्धि भएको हो । गत वर्ष त्रैमासम्मको अवधिकमा जगेडा कोषमा एक अर्ब ८८ करोड रुपैयाँ थियो ।

त्यस्तै बैंकको खराब कर्जा भने बढेको छ । गत वर्षको त्रैमाससम्म बैंकको खराब कर्जा ०.९६ प्रतिशत थियो भने १.४१ प्रतिशत कायम भएको छ । बैंकको प्रतिशेयर आम्दानी १८ रुपैयाँ २९ पैसा कायम भएको छ भने प्रतिशेयर नेटवर्थ १३६ रुपैयाँ ९५ पैसा कायम भएको छ ।