काठमाडौं । खोटाङमा ट्याक्टरबाट खसेर एकजनाको मृत्यु भएको छ । जिल्लाको रुपाकोट मझुवागढी नगरपालिका २ सोल्माडाँडामा हिजो बेलुका ट्याक्टरबाट खसेर एकजनाको मृत्यु भएको हो । 

मृत्यु हुनेमा स्थानीय ५६ वर्षीय टेकबहादुर राई छन् । प्रदेश १ ०२ ००३ त १४९२ नम्बरको ट्याक्टरमा सवार राई हिजो बेलुकी ८ बजे ट्याक्टरबाट खसेका हुन् । 

गम्भीर घाइते भएका उनको उपचारका क्रममा जिल्ला अस्पताल खोटाङमा मृत्यु भएको प्रहरीले जनाएको छ । ट्याक्टरसहित चालकलाई प्रहरी चौकी तालखर्क खोटाङले नियन्त्रणमा लिएको छ ।