काठमाडौं । रुपन्देहीको भैरहवास्थित युनिभर्सल कलेज अफ मेडिकल साइन्सेजमा फेला परेको प्रेसरकुकर बम नेपाली सेनाको टोलीले ‘डिस्पोज’ गरेको छ । शुक्रबार उक्त अस्पतालको दक्षिण–पश्चिम पार्किङ क्षेत्रमा फेला परेको बम निष्क्रिय गरिएको हो ।

पार्किङ क्षेत्रका रुख कटान गर्ने क्रममा बम फेला परेको थियो । शंकास्पद वस्तु देखिएपछि प्रहरी प्रशासनलाई जानकारी गराइएको थियो । अस्पताल प्रशासनले घटनाबारे जानकारी गराएपछि नेपाल प्रहरी, सशस्त्र प्रहरी र सेनाको टोली घटनास्थलमा पुगेको थियो ।

जिल्ला प्रहरी कार्यालय रुपन्देहीका प्रवक्ता एवं प्रहरी नायब उपरीक्षक (डीएसपी) सुरज कार्कीले बम पुरानो र खिया लागेको अवस्थामा रहेको र सेनाको टोलीले डिस्पोज गरेको जानकारी दिए ।

प्रेसकुकरको ‘ह्यान्ड’लाई डोरीले बाँधेर त्यसमा घडी, ब्याट्रीलगायत उपकरण जडान गरिएको अवस्थामा बम फेला परेको प्रहरीले जनाएको छ । हिमालयन टेली भ्वाइस