काठमाडौं । राष्ट्रपति विद्यादेवी भण्डारीको कदमको विरोधमा के गर्ने भन्ने विषयमा सत्तारुढ दल आन्तरिक छलफलमा व्यस्त रहेको छ ।

परमादेशको माग गर्दै अदालत जाने कि चुनावी एजेन्डा बनाउने भन्ने विषयमा गठबन्धनभित्र छलफल भइरहेको छ ।

कांग्रेस नेता रामचन्द्र पौडेलले राष्ट्रपतिको कदम संविधान विपरीत भएकाले आगामी चुनावी एजेन्डा बन्ने बताएका छन् ।

गठबन्धनमा सहभागी एक नेताका अनुसार राष्ट्रपतिको कदम चुनाव सारेर अर्को सरकार बनाउनमा केन्द्रित रहेको बारेमा पनि छलफल भएको थियो ।

संसद् नभएको अवस्थामा राष्ट्रपतिले रिक्ततामा खेल्न खोजेको उनीहरुको बुझाई छ ।

गठबन्धनमा यस विषयमा पनि छलफल भएको स्रोत बताउँछ । माओवादीका नेता वर्षमान पुनले पनि राष्ट्रपतिको कदम चुनाव सार्ने षडयन्त्र भएको बताएका छन् ।

“निर्वाचन विथोल्ने षडयन्त्रको अंग पनि हो, यो घटनाक्रम,” उनले सामाजिक सञ्जालमार्फत् भनेका छन् । उता कानुनविद्हले पनि सरकारलाई राष्ट्रपतिको विकल्प खोज्न सुझाव दिँदै उपराष्ट्रपतिबाट प्रमाणीकरण गराएर राजपत्रमा प्रकाशित गर्नुपर्ने बताएका छन् ।

बुधबार बेलुका भएको बैठकमा काुनविद्हरुले दिएका ८ सुझाव यस्ता थिए 

१. १५ दिन भित्र प्रमाणीकरण गुर्नपर्छ दोस्रो पटकमा भनेपछि स्वतः कानून हुन्छ र कानून मन्त्रालयले राजपत्रमा प्रकाशित गर्दा हुन्छ । 

२. प्रमाणीकरण कहिँ न कहिँ हुनैपर्छ भन्ने व्यवस्था छ । प्रमाणीकरण गरेकै हुनुपर्छ भन्ने धारणा । राष्ट्रपतिको पहिलो पटक प्रयोग गर्न पाउने भिटो प्रयोगको अधिकार सकियो । दोस्रो पटक भिटो प्रयोग गर्न नपाएपछि कानून बनाएर स्वतः प्रमाणित हुन्छ भन्ने कानून अन्तराष्ट्रिय अभ्यासमा छ । 

३. प्रमाणिकरको कानून बनेको छैन । अध्यादेश मार्फत कानून बनाएर राजपत्रमा प्रकाशित गर्ने विकल्प । 

४. राष्ट्रपतिले एस वा नो केही पनि भनिनन् । गर्नुपर्ने काम गरेनन् । यस्तो अवस्थामा राष्ट्रपतिको काम उपराष्ट्रपतिले गर्नुपर्ने छ । यस ने केही नभनेपछि राष्ट्रपति अनुपस्थित भएको मान्नुपर्छ । उपराष्ट्रपतिबाट प्रमाणिकरण गर्ने । 

५. प्रधानमन्त्रीले गएर राष्ट्रपति भेट्ने र निकास निकाल्ने । 

६. अदालतमा जाने काम राजनीतिक दल र सरकारले गर्नुहुँदैन । 

७. राजनीति हो निर्वाचन आइराखेको छ । निर्वाचनको उपयोग गर्नुपर्छ । 

८. भोलि संविधान अनुसार काम गरेन । संसद आह्नवान गरेनन् । संसदले विधेयक पास ग¥यो स्वीकृत गरेनन भने के गर्ने ? काम गर्नुपर्छ । संविधानको नजिर जे हुन्छ त्यही अनुसारको सोच राखेर अघि बढ्नुपर्छ ।