नर्वे । नर्वेले सन् २०५० सम्म रितगृह ग्यास उत्सर्जनलाई शून्यमा झार्ने भएको छ । संसारको सबैभन्दा ठूलो सम्पत्ति कोष, नर्वे गर्भरमेन्ट पेन्सन फन्ड ग्लोबलले पेरिस सम्झौता अनुसार सन् २०५० सम्म आफ्नो हरितगृह ग्यास उत्सर्जनलाई शून्यमा झार्न लागेको हो ।

यसका लागि उनीहरूले व्यवसायहरूलाई दबाब दिई आफ्नो कोषलाई ‘डिकार्बोनाइज’ गर्ने नोर्गेस ब्यान्क इन्भेस्टमेन्ट म्यानेजमेन्टका सीईओ निकोलाई टाङ्गेनले बताए ।

कोषले आफ्नो पेट्रोलियमबाट उठेको राजस्व (पश्चिमी यूरोपको सबैभन्दा ठूलो तेल र ग्यास उत्पादक) स्टक, बन्ड, सम्पत्ति र नविकरणीय परियोजनाहरूमा भविष्यका पुस्ताहरूको फाइदाको लागि लगानी गर्ने रोयटर्सलाई उद्धृत गर्दै टीभीपीवर्ल्डटकमले जनाएको छ । 

नर्वेले शून्य कार्बन उत्सर्जन समाज बनाउन खोजको छ । “हाम्रो दीर्घकालीन प्रतिफल पूर्णतया हाम्रो पोर्टफोलियोमा रहेका कम्पनीहरूले शून्य उत्सर्जन समाजमा आफूलाई व्यवस्थापन गर्ने तरिकामा निर्भर पर्छ,” निकोलाई टङ्गेनले भने ।

मंगलबारको योजना नर्वेली सरकारले अप्रिलमा गरेको प्रस्तावलाई पछ्याएको हो । जसमा कोषले लगानी गर्ने ९ हजार ३०० कम्पनीहरूलाई सन् २०५० सम्ममा आफ्नो उत्सर्जनलाई शून्यमा पुर्‍याउन दबाब दिनुपर्नेछ । 

टीभीपीवर्ल्डडटकमबाट ।