जनकपुरधाम । मधेस प्रदेशमा केही राजनीतिक दलले संविधान जारी भएको दिनलाई ‘कालो दिवस’का रूपमा मनाएका छन् ।

सोमबार जनकपुरधाममा उनीहरूले हातमा कालो पट्टी बाँधेर विराेध प्रदर्शन गरे । संविधान संशोधन हुनुपर्ने र मधेसको माग पूरा गर्नुपर्ने नारा लगाउँदै उनीहरूले र्‍याली पनि निकालेका थिए ।

महन्थ ठाकुर नेतृत्वको लोकतान्त्रिक समाजवादी पार्टी (लोसपा) र यही पार्टीबाट अलग्गिएर केही दिन अगाडि गठन भएको तराई मधेस लोकतान्त्रिक पार्टी, डा. सिके राउत नेतृत्वको जनमत पार्टी र रामकुमार महतो नेतृत्वको नेपाल सद्भावना पार्टीले कालो दिवसको रूपमा मनाएका हुन् ।

लोसपाले संविधान जारी भएदेखिनै विरोधका विभिन्न कार्यक्रम गर्दै आइरहेकाे छ । 

विगतको वर्षमा मधेस प्रदेश सरकारले दिवापली मनाएका थियाे । यद्यपि, यसवर्ष कुनै गतिविधि गरेन । मधेस प्रदेशमा अहिले चार दलको संयुक्त सरकार छ । सोमबार बिहान संविधान दिवसको शुभकामना दिएका जसपाका अध्यक्ष यादवले संविधान संशोधनको माग पनि गरेका छन् ।