दमौली । तनहुँमा राहदानी वितरणबाट आर्थिक वर्ष २०७८/७९ मा चार करोड ४२ लाख रुपैयाँ राजस्व संकलन भएको छ । सो आवमा जिल्लाबाट ६ हजार ६१९ राहदानी वितरण गरिएको सहायक प्रमुख जिल्ला अधिकारी काशीराम गैह्रेले जानकारी दिए । 

त्यस्तै, आठ हजार ८५४ जनाको राहदानीका लागि जिल्लाबाट सिफारिस गरिएको छ भने ८७२ द्रुत सेवाका लागि सिफारिस गरिएको छ । 

कार्यालयले एक वर्षको अवधिमा विभिन्न शीर्षकबाट चार करोड ८० लाख रुपैयाँ राजस्व संकलन गरेको छ । संस्था दर्ता, हातहतियार, राहदानी दस्तुर, न्यायिक दण्ड जरिवाना, प्रशासनिक दण्ड, जरिवाना र जफत, बेरुजु र परीक्षा शुल्कबाट उक्त राजस्व सङ्कलन गरेको हो । 

सो अवधिमा ५२ मुद्दा दर्ता भएको छ । दुई हजार ४७० जनालाई आदिवासी जनजाति प्रमाणित, एक हजार ८० जनालाई दलित प्रमाणित, एक हजार ८७८ लाई पेन्सन सिफारिस गरिएको छ ।  

कार्यालयमा ८४ संस्था नयाँ दर्ता भएकामा ७८५ संस्थाको नवीकरण भएको छ । ९९ हातहतियार नवीकरण भएकामा ६ वटा नामसारी गरिएको छ । यस अवधिमा एक पत्रपत्रिका दर्ता भएको कार्यालयले जनाएको छ ।