काठमाडौं । सर्लाहीमा सर्पले डसेर एकजनाको मृत्यु भएको छ । शुक्रबार दिउँसो सर्लाही हरिवन नगरपालिका ११ की ३५ वर्षीया याम कुमारी महतोलाई गोमन सर्पले डसेको थियो ।  

सर्पले डसेपछि उपचारका लागि नवलपुरस्थित सर्प दंस अस्पताल नवलपुर लगिएकोमा उपचार हुन नसकी थप उपचारको लागि जनकपुर रिफर गरिएको थियो । 

उनको प्रादेशिक अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय सर्लाहीले जनाएको छ ।