विराटनगर । प्रहरीले विराटनगरबाट अवैध रूपमा भन्सार छलेर ल्याइएका सामान बरामद गरेको छ ।

विराटनगर महानगरपालिका १२ दरैयास्थित नाका प्रयोग गरी भारतबाट नेपालतर्फ अवैध रूपमा ल्याएको लत्ताकपडा, पुजाको सामानहरू र विभिन्न मोटरपार्टसहरू बरामद गरेको हो ।

भन्सार छली चोरी पैठारी गरी ल्याएको भनिएको सामानको मूल्य अन्दाजी दुई लाख ७६० बराबरको भएको जिल्ला प्रहरी कार्यालय मोरङका प्रवक्ता डीएसपी दिपक श्रेष्ठले जानकारी दिएका छन् ।

जिल्ला प्रहरी कार्यालयबाट खटिएको प्रहरी टोलीले बरामद सामग्राी आवश्यक कारबाहीका लागि मुल भन्सार कार्यालय रानी विराटनगरमा बुझाइएको जनाएको छ ।