काठमाडौं । देशका विभिन्न जिल्लाबाट आएका मिटर ब्याज पीडित किसानहरूले काठमाडौंको माइतीघर मण्डलादेखि बालुवाटारसम्म मार्चपास गरेका छन् ।

करिब एक महिना अगाडि नवलपरासी पश्चिमका ६२ जना मिटर ब्याज पीडित किसानहरूले माइतीघर मण्डलमा धर्ना तथा विरोध कार्यक्रम थालेका थिए । तर, माग पूरा नभएपछि उनीहरूले माइतीघरदेखि बालुवाटारसम्म मार्चपास गरेका हुन् ।

वर्षौंदेखि मिटर ब्याजको चङ्गुलमा फसेका पीडित किसानहरू न्यायका लागि दोस्रोपटक काठमाडौं आएका थिए । तर, आफूहरूका मागमा सरकार संवेदनशील नभएपछि मार्चपास गर्नुपरेको पीडितहरूको संगठन मजदुर संघर्ष समितिले जनाएको छ ।

उनीहरूले विभिन्न ६ बुँदे माग राखेर धर्ना तथा विरोधका कार्यक्रम गर्दै आएका छन् ।

तस्बिरहरू : हरिशजंग क्षेत्री/बाह्रखरी