काठमाडौं । काठमाडौं महानगरपालिकाका मेयर बालेन्द्र शाह (बालेन) उपत्यकाको फोहोर व्यवस्थापन आफ्नै क्षेत्रमा गर्न अध्ययनका लागि छिमेकी नगरपालिका गएका छन् । 

उनी आज गोकर्णेश्वर नगरपालिका पुगेका हुन् । त्यसपछि उनी मध्यपुर थिमी नगरपालिका पुग्ने महानगरले जनाएको छ ।

उनी नगरपालिकामा भएका खालि जग्गा निरीक्षण तथा व्यवस्थापन गर्न सकिने नसकिनेबारे निरीक्षण गर्न गएका हुन् ।

सिसडोल र बञ्चरेडाँडाका स्थानीयले पटकपटक अवरोध गर्दा फोहोर व्यवस्थापनको दीर्घकालीन समाधान हुन सकेको छैन ।

आफ्नै क्षेत्रमा दैनिक ६०० मेट्रिक टन फोहोर व्यवस्थापन गर्ने योजनाअनुसार बालेन निरीक्षणमा निस्किएको महानगरले जनाएको छ ।

यसअघि महानगरले कीर्तिपुर नगरपालिकामा कुहिने फोहोर व्यवस्थापनका लागि जग्गा भेटाएको थियो ।