काठमाडौं । यही भदौ २५ गते ‘लिगलिगकोट–सिरानचोक–गोरखा दरबार म्याराथन दौड प्रतियोगिता–२०७९’ हुने भएको छ ।

नेपाली सेनाको संयोजकत्वमा गोरखा नगरपालिका, पालुङटार नगरपालिका तथा सिरानचोक गाउँपालिकाको संयुक्त आयोजनामा हुन लागेको दौड बिहान ६ बजे लिगलिगकोटबाट सुरु हुनेछ ।

प्रतियोगितामा भाग लिन रजिष्ट्रेसन फाराम दर्ता गराउनुपर्नेछ । क्यूआर कोडमार्फत अनलाइन रजिष्ट्रेसन गर्न सकिनेछ । यस्तै, रिपुमर्दन गण, गोरखा नगरपालिका, पालुङटार नगरपालिका र सिरानचोक गाउँपालिका कार्यालयबाट फाराम खरिद गरी दर्ता गराउन सकिने सेनाले जनाएको छ ।