काठमाडौं । राष्ट्रिय युवा संघ नेपालले तिजको अवसरमा सरसफाइ अभियान सुरु गरेको छ । बुधबार युवा संघले कलाकारहरूको सांगीतिक प्रस्तुति र नृत्यसहित फोहोर सरसफाइ गरेको छ ।

जडीबुटी पुलबाट थालिएको सरसफाइ कार्यक्रम गठ्ठाघरसम्म पुगेको थियो । सरसफाइ गर्दै सडक किनारमै युवा संघका नेताकार्यकर्ताहरूले नाचगानसमेत गरेका थिए ।

पछिल्लो समय सहरबजारमा तिजका नाममा विकृति फैलिरहेको भन्दै दिदीबहिनीहरूको सम्मानमा सरसफाइ कार्यक्रम गरिरहेको संघका अध्यक्ष किरण पौडेलले बताए ।

युवा संघले १० दिनदेखि निरन्तर काठमाडौंमा सरसफाइको कार्यक्रम गर्दै आएको उनले बताए । 

तस्बिरहरू : हरिशजंग क्षेत्री/बाह्रखरी