काठमाडौं । सांसदसमेत रहेका नेपाली कांग्रेसका नेता तथा समाजवादी चिन्तक प्रदीप गिरिको अन्त्येष्टि गरिएको छ । 

आइतबार पशुपति आर्यघाटमा गिरिको राष्ट्रिय सम्मानका साथ अन्त्येष्टि गरिएको हो । गिरिको पार्थिव शरीरमा उनका छोरा सन्तोष सिलवाल गिरिले दागबत्ती दिएका थिए ।

उनको अत्येष्टि यात्रामा शीर्ष नेताहरू सहभागी थिए । उनका सुभचिन्तकको पनि बाक्लो उपस्थिति थियो । 

गिरिको शनिबार राति ललितपुरको मेडीसीटी अस्पतालमा निधन भएको थियो । उनी लामो समयदेखि घाँटीको क्यान्सरबाट पीडित थिए । अन्त्येष्टि गर्नुपूर्व उनको शव पार्टी मुख्य कार्यालय सानेपामा अन्तिम श्रद्धान्जलीका लागि राखिएको थियो ।