काठमाडौं । आउने सातादेखि कान्तिपुर टेलिभिजनमा प्रसारण हुन लागेको ‘सुपर डान्सर नेपाल’को पावर्डबाई प्रायोजन र इन्टरनेट पार्टनरको जिम्मा डिसहोम फाइबरनेटले पाएको छ । यो जिम्मेवारी पाएसँगै २६ गते राति ९ बजेदेखि हरेक हप्ता बिहीबार र शुक्रबार प्रसारण हुने ‘सुपर डान्सर नेपाल’को पावर्डबाई प्रायोजन र इन्टरनेट पार्टनरको काम डिसहोमले गर्नेछ ।

‘सुपर डान्सर नेपाल’ भारतीय रियालिटी सोको फ्रेन्चाइज प्रोडक्ट हो । चारदेखि १४ वर्ष उमेर समूहका बालबालिकाबीच प्रतिस्पर्धा हुने यो रियालिटी सो ‘सुपर डान्सर नेपाल’को निर्णायकमा अभिनेता भुवन केसी, अभिनेत्री जसिता गुरुङ र कोरियोग्राफर सुरेन्द्र राई रहनेछन् ।

नेपालभरिका विभिन्न सहरहरू काठमाडौं, पोखरा, इटहरी, हेटौंडा, बुटवल, र नेपालगञ्जलगायतमा फिजिकल अडिसन सम्पन्न भइसकेको छ । नेपाल बाहिरका नेपालीभाषी भएको ठाउँहरूको प्रतिभाहरूलाईसमेत सहभागी गराउने उद्देश्यका साथ डिजिटल अडिसनसमेत गरिएको आयोजकले जानकारी दिएको छ ।

कार्यक्रमको होस्टमा अभिनेता विल्सन बिक्रम राई र नृत्याङ्गना कविता नेपाली रहने छन् ।