काठमाडौं । काठमाडौंबाट मुम्बई उड्न लागेको नेपाल एयरलाइन्सको जहाजबाट पक्राउ परेका व्यक्ति कैलाली प्रहरीले नियन्त्रणमा लिएका दुईजनाले दिएको सूचनाका आधारमा पक्राउ गरिएको प्रहरीले जनाएको छ ।

कैलाली प्रहरीका अनुसार सार्वजनिक अपराधमा दुईजना पक्राउ परेका थिए । उनीहरुको बयानका आधारमा काठमाडौंलाई पत्राचार गरिएको थियो ।

कैलाली प्रहरीले पनि उनको बारेमा अनुसन्धान जारी रहेकाले सबै बताउन नमिल्ने जानकारी दिएको छ ।

“यहाँ पक्राउ परेका दुईजनाको बयानका आधारमा उनी आज मुम्बई जाँदैछन् भन्ने जानकारी पाएपछि हामीले पक्राउ गरिदिन आग्रह गरेका हौँ,” कैलाली प्रहरीका प्रवक्ता डीएसपी वेद प्रकाश जोशीले बाह्रखरीसँग भने ।