काठमाडौं । मुकुन भुसाल मुख्य भूमिकामा रहेको चलचित्र ‘झिँगेदाउ’को टाइटल टिजर सार्वजनिक गरिएको छ । ज्ञानेन्द्र देउजाले निर्देशन गरेको चलचित्रको ३० सेकेण्डको टिजरमा झिँगा र सिक्का देखिन्छ भने मुख्य अभिनेत्री केकी अधिकारीको स्वर सुन्न सकिन्छ । टिजरले कथाको सार देखाउन खोजेको छ । 

भदौ १७ गते रिलिज हुने चलचित्र कपनगडी सिनेमा र फिल्म क्रियु नेपालको ब्यानरमा निर्माण भएको हो । 

चलचित्र भिमनिधि तिवारीको कथा ‘झिँगेदाउ’मा आधारित छ । प्रदीप भारद्वाजको पटकथा तथा सम्वाद लेखेको चलचित्रमा मुकुन र केकीसँगै आँचल शर्मा र कुशल बिष्ट पनि मुख्य भूमिकामा छन् । 

चलचित्रमा ककी र आँचल जेठानी देउरानीको भूमिकामा देखिनेछन् ।