काठमाडौं । माछापुच्छ्रे बैंक र काठमाडौं प्याथल्याब एन्ड डायगोनोस्टिक सेन्टर प्रा.ली. र ग्यालेक्सी स्पेसियालिटी महाराजगञ्जबीच बैंकका ग्राहकहरूलाई छुट प्रदान गर्ने सम्बन्धी सम्झौता भएको छ । 

सम्झौता अनुसार माछापुच्छ्रे बैंकका ग्राहकहरूले काठमाडौं प्याथल्याब एन्ड डायगोनोस्टिक सेन्टर र ग्यालेक्सी स्पेसियालिटी क्लिनिक प्रा.ली.बाट प्रदान गरिने सम्पूर्ण स्वास्थ्य सम्बन्धी सुविधा लिँदा २५ प्रतिशत सम्म छुट पाउनेछन् । 

बैंकका ग्राहकहरूले उक्त छुट, बैंकको डेबिट÷क्रेडिट कार्ड तथा क्यूआर प्रयोग गरी बिल भुक्तानी गर्दा पाउन सक्नेछन् ।

बैंकले देशभर रहेका विभिन्न संघसंस्था तथा व्यापार व्यवसायसँग व्यवसायिक सम्झौता गरी आफ्ना ग्राहकलाई आकर्षक छुट प्रदान गर्दै आएको छ । 

माछापुच्छ्रे बैंकले हाल देशका ७ वटै प्रदेशमा १६५ शाखा, ७ एक्सटेन्सन काउन्टर, १६६ शाखारहित बैंकिङ सेवा, २०५ एटीएममार्फत १३ लाख भन्दा बढी ग्राहकलाई सेवा प्रदान गर्दै आएको छ ।