धनगढी । कैलालीको धनगढीमा जारी टी–२० क्रिकेट प्रतियोगिता ‘धनगढी सुपर लिग’अन्तर्गत आइतबार भएका खेलमा धनगढी क्रिकेट एकेडेमी र महेन्द्रनगर क्रिकेट क्लब विजयी भएका छन् ।

धनगढीस्थित संघीय प्रहरीको खेल मैदानमा जारी प्रतियोगितामा आइतबारको पहिलो खेलमा बुङ्गल क्रिकेट क्लब बझाङलाई पराजित गरी धनगढी क्रिकेट एकेडेमी र दोस्रो खेलमा लिटल फ्लावर क्रिकेट क्लबलाई पराजित गरी महेन्द्रनगर क्रिकेट क्लब विजयी भएको हो ।  

आइतबारको पहिलो खेलमा बझाङको बुङ्गल क्रिकेट क्लबलाई ८० रनले पराजित गर्दै धनगढी क्रिकेट एकेडेमीले आफ्नो तेस्रो खेलमा पहिलो जित निकालेको हो । टस जितेर ब्याटिङ गर्ने निर्णय गरेको धनगढी क्रिकेट एकेडेमी (डीसीए)ले निर्धारित २० ओभरमा ९ विकेट गुमाएर १६५ रन बनाएको थियो ।

१६६ रनको विजयी लक्ष्य पछ्याएको बुङ्गलले १६.२ ओभरमा आफ्ना सबै विकेट गुमाएर ८५ रन मात्रै बनाउन सक्यो । उसका लागि किरण कुमार ठगुन्ना र सन्दीप विष्टले १८-१८ रन बनाउनुबाहेक अन्य ब्याट्सम्यानको प्रदर्शन राम्रो रहन सकेन ।

डीसीएको बलिङतर्फ हिक्मत महराले ४ ओभर बलिङ गर्दै १ मेडनसहित १० रन खर्चिएर महत्त्वपूर्ण ४ विकेट लिए । त्यस्तै सुवास ऐर र अरूण ऐरीले २-२ विकेट लिए । 

त्यसअघि डीसीएकालागि राजु रिजालले ४१ बलमा ५४ रनको अर्धzतकीय पारी खेले । उसका भोजराज भट्टले ३२ रन बनाए । बलिङतर्फ बुङगलकालोकेन्द्र चन्द र अशोक धामीले २-२ विकेट लिए । खेलको प्लेयर अफ दी म्याच हिक्मतचुनिए । 

आइतबारको दोस्रो खेलमा लिटल फ्लावर क्रिकेट क्लबलाई ११६ रनले पराजित गर्दै महेन्द्रनगर क्रिकेट क्लबले विशाल जित दर्ता गर्‍यो । टस जितेर ब्याटिङ गर्ने निर्णय गरेको महेन्द्रनगरले निर्धारित २० ओभरमा ९ विकेट गुमाएर १५३ रन बनाएको थियो । १ सय ५४ रनको विजयी लक्ष्य पछ्याएर जवाफी ब्याटिङ थालेको लिटल फ्लावर ८.२ ओभरमा अलआउट हुन पुग्यो ।

महेन्द्रनगरका विकास आग्रीले घातक बलिङ गरेपछि लिटल फ्लावर ३७ रनमै अलआउट भएको हो । उसका नरेन भट्टले १३ रन बनाउनुबाहेक अन्य ब्याट्सम्यानको प्रदर्शन सम्झनलायक बनेन ।

बलिङतर्फ महेन्द्रनगरका विकास आग्रीले २.५ ओभर बलिङ गर्दै १५ रन खर्चिएर महत्त्वपूर्ण ५ विकेट लिए । उसका हेमन्त धामी र विपिन धामीले २-२ विकेट लिए ।

त्यसअघि महेन्द्रनगरका लागि रोशन साउँदले टिमलाई ५० रनको अर्धशतकीय योगदान दिए । अनुराग सिंहले ३१ रन बनाए ।बलिङतर्फ लिटल फ्लावरका प्रकाश जैशीले ३ र सन्दीपखत्री र कृष्ण कार्कीले २-२ विकेट लिए । खेलको प्लेयर अफ दी म्याच विकास चुनिए । 

लिटल फ्लावर स्पोर्ट्स एन्ड इभेन्ट्स प्रा.लि. धनगढीको आयोजनामा प्रतियोगिता जेठ १४ गतेसम्म सञ्चालन हुने अध्यक्ष रामचन्द्र शाहीले जानकारी दिए । प्रतियोगिताको विजेताले नगद २ लाख उपविजेताले १ लाख तथा ट्रफी, मेडल र प्रमाणपत्र प्राप्त गर्ने छन् । सर्वोत्कृष्ट खेलाडीले नगद १५ हजार, उत्कृष्ट बलर, ब्याट्सम्यान तथा उदीयमान खेलाडीले ७ हजार ५ सय नगद पुरस्कारका साथै ट्रफी, मेडल र प्रमाणपत्र प्राप्त गर्ने छन् ।