काठमाडौं । मकवानपुरको इन्द्रसरोवर गाउँपालिका–२ स्थित कुलेखानी सिमखोलामा जिप दुर्घटना हुँदा चार जनाको मृत्यु भएको छ ।

वीरगञ्जबाट काठमाडौंतर्फ जाँदै गरेको ना४च२३१५ नम्बरको जिप शनिबार साँझ सिमखोला पुलको बारमा ठोकिएर दुर्घटना भएको जिल्ला प्रहरी कार्यालयले जनाएको छ ।

आठजना सवार जिप दुर्घटना हुँदा तीनजनाको हेटौँडा अस्पतालमा उपचारका लागि लैजाने क्रममा र एकजनाको सोही अस्पतालमा उपचारका क्रममा मृत्यु भएको हो । मृतक चारैजना पुरुष हुन् ।

घाइते भएका चारमध्ये चालकसहित तीन जनाको हेटौँडा अस्पतालमा र एकजनाको उपचारका लागि काठमाडौं ल्याइएको छ ।