काठमाडौं । पूर्वाञ्चल साहित्य प्रतिष्ठानले कविराज पोखरेलको प्रथम वार्षिक पुण्यतिथिमा काव्य सभाको आयोजना गरेको छ ।

कार्यक्रमका प्रतिष्ठानका अध्यक्ष विवश पोखरेलले कवि कविराज पोखरेल निष्ठावान स्रष्टा भएको उल्लेख गरे ।

कार्यक्रममा साहित्यकारहरू दधिराज सुवेदी, डा. मेदिनीप्रसाद शर्मा, गोकुल अधिकारी, भूषण ढुङ्गेल, बलराम पोखरेल, भवानी पोखरेल, प्रा. गुणराज ढुङ्गेलले पोखरेलको साहित्यिक योगदान बारे बोले । 

काव्य सभामा सुमन पोखरेल, सविता गौतम दाहाल, भेषराज पोखरेल, मञ्जुश्री गिरी, राधा भट्टराई, लक्ष्मी पोखरेल, ममता मृदुललगायत ३७ कविहरूले कविता वाचन गरेको प्रतिष्ठानका महासचिव गोकुल अधिकारीले बाह्रखरीलाई बताए ।