काठमाडौं । नेकपा (माओवादी केन्द्र) का अध्यक्ष 'प्रचण्ड'ले अबको निर्वाचन माओवादी केन्द्रका लागि ब्याटल भएको बताएका छन् । बुधबार पार्टी कार्यालय पेरिसडाँडामा आयोजित पार्टीका केन्द्रीय आयोगहरूको अन्तरक्रियात्मक संयुक्त बैठकलाई सम्बोधन गर्दै अध्यक्ष प्रचण्डले चुनाव फरक प्रकारको ब्याटल भएको बताएका हुन् ।

त्यस्तै उनले पार्टीका नेता कार्यकर्ताहरूले संगठन व्यवस्थित नगर्दा र अलि निष्क्रिय हुँदा प्रतिक्रियावादीहरूले कसरी आक्रमण गर्छन् भन्ने संसद् विघटनसम्मको घटनाले देखाएको बताए ।

आफूहरूले परिवर्तनको रक्षाका लागि अपील गरेको बताउँदै अध्यक्ष प्रचण्डले संविधान, गणतन्त्र, संघीयता र समावेशी समानुपातिक जस्ता उपलब्धिहरूलाई जोगाउन आफूहरूले जित्नैपर्ने पनि बताए ।