काठमाडौं । एमसीसीविरुद्ध बिहीबार बानेश्वर क्षेत्रमा भएको प्रदर्शनमा घाइते भएका डडेलधुराका २७ वर्षीय हेमराज अवस्थी माओवादी केन्द्रको कार्यकर्ता भएको खुलेको छ ।

काठमाडौंमा टीकाथलीमा बस्दै आएका उनी डडेलधुरा नवदुर्गा ५ का स्थायी वासिन्दा हुन् ।

उनका बुवा माओवादीका वडासचिव रहेको पनि खुलेको छ ।

उनी काठमाडौंमा कोरियन भाषा पनि पढाउँथे । 

टाउको गम्भीर चोट बोकेका उनको अन्नपूर्ण न्युरो अस्पतालमा उपचार भइरहेको माओवादी सुदूरपश्चिमका इन्चार्ज खगराज भट्टले बताए । "म पनि अस्पतालमै छु । उहाँको अपरेसन गर्ने तयारी भइरहेको छ," उनले भने ।