काठमाडौं । चलचित्र ‘लप्पन छप्पन २’ यही फागुन २० गते (मार्च ४ तारिख)मा रिलिज हुने भएको छ ।

चलचित्रका निर्देशक मुकुन्द भट्टले चलचित्रको नयाँ रिलिज मिति घोषणा गर्दै चलचित्रलाई साथ दिन अनुरोध गरेका छन् । 

यसअघि यो चलचित्र फागुन १३ मा रिलिज हुने तय भएको थियो । तर यो मितिमा चलचित्र ‘म यस्तो गीत गाउँछु २’ रिलिज हुने भएपछि निर्माण टिमले नयाँ रिलिज मिति तोकेको हो ।

नेपाल र विदेशमा छायांकन भएको चलचत्रिमा अनुप विक्रम शाही, सौगता मल्ल, शिव श्रेष्ठ, अर्पण थापा लगायतका कलाकारहरूको मुख्य भूमिका रहेको छ ।