काठमाडौं । नेपाल चिकित्सक संघका पदाधिकारीले स्वास्थ्यकर्मी तथा स्वास्थ्य संस्था सुरक्षासम्बन्धी अध्यादेश, २०७८ संशोधनसहित पारित गर्न माग गर्दै कानुनमन्त्रीलाई ज्ञापनपत्र बुझाएका छन् ।

संघका पदाधिकारीले गएको मंगलबार कानुन, न्याय तथा संसदीय मामिलामन्त्री दिलेन्द्रप्रसाद बडूलाई भेटेर सो अध्यादेश संशोधनसहित पारित गर्न माग गर्दै ज्ञापनपत्र बुझाएका हुन् ।

सो अध्यादेशलाई प्रक्रियागत ढंगबाट कानुनका रूपमा पारित गरी स्वास्थ्यकर्मीको मनोबल उच्च बनाइदिन संघले मन्त्रीसमक्ष अनुरोध गरेको जनाइएको छ ।