न्युयोर्क सिटी । एलन मस्कले आफ्नो टेस्ला कम्पनीले हाल विकास गरिरहेको यन्त्र मानव सन् २०२२ कै सबैभन्दा महत्वपूर्ण उत्पादन हुने बताएका छन् । टेस्लाले साइबर ट्रक पिकअप, रोडस्टर सुपरकार र सेमी ट्रयाक्टर–ट्रेलरको पनि विकास गरिरहेको छ ।

मस्ककाअनुसार रोबोट परियोजना टेस्लाको कार व्यवसाय भन्दा धेरै महत्वपूण हुनेछ । टेस्लाले यति धेरै प्राथमिकता दिएको मानव स्वरूपको यस रोबोटको नाम ‘अप्टिमस’ राखिएको छ । 

मस्कले पहिलोपटक गत अगस्टमा टेस्लाको एआई डे इभेन्टमा यस रोबोटको स्वरूप सार्वजनिक गरेका थिए । टेस्लाले भविष्यमा खतरनाक, लगातार मानव श्रम प्रयोग हुने स्थानमा प्रयोग गर्नका लागि ५ फुट ८ इन्च अग्लो र १ सय २५ वजनको उत्कृष्ट रोबोट विकास गरिरहेको छ ।

'टेस्ला बोट’ को नामले पनि पुकारिने अप्टिमसले टेस्लाको ड्राइभरलाई सहयोग गर्ने ‘अटो–पाइलट ’प्रविधि चलाउने जस्तै आर्टिफिसियल–इन्टेल्लिजेनस सिस्टम प्रयोग गर्नेछ ।

बिजनेस इन्साइडरबाट ।