इस्लामावाद । अफगानिस्तानको गहिरिँदो मानवीय संकट र ध्वस्त हुँदै गएको अर्थतन्त्रको बारेमा छलफल गर्न इस्लामिक मुलुकका विदेशमन्त्रीहरू पाकिस्तानमा भेला भएका छन् । 

आफगानिस्तानको अवस्थाबारे छलफल गर्न अर्गनाइजेसन अफ इस्लामिक कोअपरेसन (ओआईसी)का विदेशमन्त्री परिषद्को असाधारण बैठक इस्लामावादको संसद भवनमा चलिरहेको पाकिस्तानी सञ्चारमाध्यमले जनाएका छन् । ५७ इस्लामिक मुलुकका प्रतिनिधिहरू आजको सत्रमा सहभागी हुँदैछन् ।
 
अफगानिस्तानको तालिबान सरकारका विदेशमन्त्री अमीर खान मुत्तकी पनि सम्मेलनमा भाग लिन पाकिस्तान पुगेका छन् । 

अफगानिस्तानका झण्डै आधा जनसंख्या खाद्य संकटको जोखिममा रहेको बताइएको छ । त्यहाँका लाखौँ बालकालिका कुपोषणको शिकार बनेका छन् ।