काठमाठौं । नेपाल राष्ट्र बैंकले  ८ वटा वाणिज्य बैंकलाई  कारबाही गरेको छ । राष्ट्र बैंक सुपेरीवेक्षण विभागले आर्थिक वर्ष २०७७/०७८ मा राष्ट्र बैंकको विभिन्न निर्देशन उलंघन गरेपछि ८ वटा बैंकलाई कारबाही गरेको हो ।

राष्ट्र बैंकले अन्तिम त्रैमासमा मात्रै अनिवार्य नगद मौज्दात र वैधानिक तरलता अनुपात कायम नगरेको भन्दै ३ बैंकलाई कारवाही गरेको हो ।

राष्ट्र बैंकले  चौथो त्रैमासमा नेपाल बंगलादेश बैंकलाई ३० हजार ३२४ रुपैयाँ नगद जरिबाना गरेको  छ । प्रभु बैंकलाई ३५ हजार ६९५ रुपैयाँ नगद जरिबाना गरेको हो । हिमालयन बैंकलाई भने दुई पटक जरिबाना लगाएको छ । हिमालयन बैंकलाई प्रथम पटक १७ हजार १२२ रुपैयाँ र दोस्रो पटक १२ हजार ८९९ रुपैयाँ नगद जरिबाना गरेको नेपाल राष्ट्र बैंकको बैंक सुपेरीवेक्षण विभागले जनाएको छ ।

तेस्रो त्रैमासमा सिभिल बैंकलाई सम्पत्ति सुद्धिकरण सम्बन्धी ऐन उलंघन गरेको भन्दै  १० लाख रिबाना गरेको हो । यस्तै सोही त्रैमासमा बैंकलाइर्ए राष्ट्र बैंकले ऋणीसँग अप्रत्यक्ष  रुपमा कारोबार गरेको बैंकका अध्यक्ष इच्छाराज तामाङलाई नसिहत दिइएको केन्द्रीय बैंकले जनाएको छ ।

तेस्रो त्रैमासमा नै राष्ट्र बैंकले प्रभु बैंकले राष्ट्र बैंकको एकीकृत निर्देशनमा गरेको व्यवस्था विपरित प्रभु बैंक, प्रभु मनि ट्रान्सफरबीच कारोबार गरेको भन्दै बैंकको  तत्कालीन सञ्चालक र प्रमुख कार्यकारी अधिकृतलाई सचेत गराइएको राष्ट्र बैंकले जनाएको छ ।

बैंकका तत्कालीन अध्यक्ष देवी प्रकाश भट्टचन, सञ्चालकहरु शंकरप्रसाद कालिकोटा, रमेश सिंह खड्का, अम्बिका शर्मा लामिछाने, पुष्पबहादुर प्रधान, दक्ष पौडेल र सीईओ अशोक राणालाई सचेत गराएको राष्ट्र बैंकले उल्लेख गरेको छ ।

त्यस्तै केन्द्रीय बैंकले दोस्रो त्रैमासमा स्ट्यान्डर्ड चार्टर्ड  बैंकलाई प्राथमिकता प्राप्त क्षेत्रमा कर्जा प्रवाह नगरेको भन्दै ५७ लाख ८४ हजार ६१७ रुपैयाँ जरिबाना गरेको छ । यस्तै बैंकलाई  अन्य कारवाहीस्वरुप सचेतसमेत गराएको राष्ट्र बैंकले जनाएको छ ।

राष्ट्र बैंकले ग्लोबल आइएमई बैंकलाई पनि सचेत गराएको जनाएको छ । दोस्रो त्रैमासमा नै राष्ट्रिय वाणिज्य बैंकमा पनि प्रमुख कार्यकारी अधिकृत किरण कुमार श्रेष्ठलाई सचेत गाएको केन्द्रीय बैंकले जनाएको छ ।

राष्ट्र बैंकले आर्थिक वर्षको प्रथम त्रैमासमा लक्ष्मी बैंकले सम्पत्ति सुद्धिकरण सम्बन्धी ऐन र निर्देशनको पालन नगरेको भन्दै २० लाख रुपैयाँ नगद जरिबाना गराएको जनाएको छ ।