दिल्ली । भाषणकलामा माहिर भारतीय कम्युनिस्ट पार्टी (भाकपा)का युवा नेता एवम् जेएनयूका पूर्व विद्यार्थी नेता कन्हैया कुमार मंगलबार कांग्रेसमा प्रवेश गरेका छन् ।

भाकपाको तर्फबाट बिहारको बेगूसराय लोकसभा सीटमा चुनाव समेत लडेका कन्हैया कुमारलाई दिल्लीस्थित कांग्रेस मुख्यालयमा कांग्रेस नेता राहुल गान्धीले पार्टी प्रवेश गराएका हुन् । उनीसँगै गुजरातका विधायक जिग्नेश मेवाणीले पनि कांग्रेसको सदस्यता लिए ।

कन्हैया कुमारले देश बचाउनका लागि कांग्रेस प्रवेश गरेको बताए । कांग्रेसले मात्र महात्मा गान्धी र भागत सिंहको सपनालाई बचाउन सक्ने उनको दाबी छ । उनले भने, “तपाईं आफ्नो दुश्मनको चुनाव गराउनुहोस्, साथी आफैँ बन्छ । हामी देशको सबैभन्दा लोकतान्त्रिक पार्टीमा यस कारण प्रवेश गर्न चाहेका हौँ कि यदि कांग्रेस बचेन भने देश पनि बच्दैन ।”

कन्हैया कुमारको सहभागिताले कांग्रेस बलियो हुने कांग्रेस नेताहरूको दाबी छ । तर, भाकपाले भने कन्हैया कुमार ‘अवसरवादी’ भएको आरोप लगाउँदै उनले केही संघर्ष नगरेको र उनको साथ जनाधार नभएको दाबी गरेको छ । यस्तो अवस्थामा उनको साथ लिएर कांग्रेसलाई केही फाइदा नहुने भाकपाको बुझाइ छ ।

कतिपयले कन्हैया कुमारको कांग्रेस प्रवेशलाई उनको महत्वकांक्षाको अभिव्यक्ति भनी टिप्पणी गरेका छन् ।बीबीसी हिन्दीबाट