काठमाडौं । अनलाइन बजार दराजले सहयात्री कार्यक्रम पुनः सुरु गर्ने घोषणा गरेको छ । साना र मध्यम आकारका उद्यमहरूलाई समर्थन गर्न कम्पनीले यो कार्यक्रम गत वर्ष सुरु गरेको थियो ।

कम्पनीले पहिलोपटक अनलाइनमा सरेका नयाँ व्यवसायहरूले अब आउने तीन महिना दराज दशैं धमाका अभियानसम्म निःशुल्क रुपमा आफ्नो उत्पादन दराजमा बेच्न सक्ने जनाइएको छ ।

कम्पनीले गत वर्ष चार महिनाको कमिसन शुल्कः हटाई विक्रेताहरुलाई देश भरिका ७ लाखभन्दा बढी ग्राहकसम्म निःशुल्क पहुँच प्रदान गरी ८ हजार बढी एसएमईहरुलाई व्यवसाय दराजमा दर्ता गर्न मद्दत गरेको थियो ।