काठमाडौं । कोरोना संक्रमणलाई फैलिनबाट रोक्नको लागि गोदरेजले मिस्टर म्याजिक स्वच्छतामा सुरक्षा अभियान सुरु गरेको छ ।

कोरोना महामारीको समयमा हात धुने महत्वलाई ध्यानमा राख्दै मानिसलाई हात धुन प्रोत्साहन गर्ने उद्देश्यले सो अभियान सुरु गरेको जनाइएको छ । गोदरेजले भाटभटेनीलगायत काठमाडौंका विभिन्न अस्पतालहरुमा हात धुने अभियान सुरु गरेको हो ।

अभियानअन्तर्गत राजधानीको १० वटा अस्पतालहरुमा यो अभियान सञ्चालन गरिएको जनाइएको छ । सहिद गंगालाल स्मारक अस्पताल, त्रिवि शिक्षण अस्पताल, अल्का अस्पताल, ओम हस्पिटल र केएमसी अस्पतालमा यो महिना र ग्रीन सिटी हस्पिटल, मनमोहन मेमोरियल हस्पिटल, पाटन हस्पिटल, सुमेरु हस्पिटल र नेपाल मेडिकल कलेज एन्ड हस्पिटलमा अर्को महिनादेखि यो अभियान सुरु हुने कम्पनीले जनाएको छ ।

यी हस्पिटलहरुमा मिस्टर म्याजिकको निःशुल्क हात धुने स्टलको व्यवस्था गरिएको हो ।

प्रत्येक स्टलमा गोदरेजको उत्पादन मिस्टर म्याजिक ह्यान्डवास र पानीको व्यवस्था गरिएको छ । मिस्टर म्याजिक पाउडर ह्यान्डवास हो, जुन पानीको सम्पर्कमा आएपछि लिक्विड बन्छ । एउटा बोटलमा २०० मिलि पानी र मिस्टर म्याजिक पाउडर राखेर सजिलै ह्यान्डवास बनाउन सकिनेछ । यसको रिफिल पनि बजारमा सजिलै उपलब्ध रहेको कम्पनीले जनाएको छ ।

पटक–पटक हात धोएर कोरोना संक्रमणलाई एक व्यक्तिदेखि अर्को व्यक्तिमा फैलिन नदिनको लागि गोदरेज नेपालको यो एक सानो प्रयास रहेको जनाएको छ ।