काठमाडौं ।  प्रतिनिधिसभा विघटनलगायत प्रधानमन्त्रीका असंवैधानिक कदमविरुद्ध संघर्षरत् नेपाल कम्युनिस्ट पार्टी (नेकपा)को प्रचण्ड–नेपाल समूहले आज काठमाडौंमा शक्ति प्रदर्शन गर्दै छ । प्रदर्शनका लागि देशभरबाट मानिसहरु काठमाडौं आएका छन् ।

सो समूहको केन्द्रीय संघर्ष समितिले काठमाडौं उपत्यकाका पाँच स्थानबाट जुलुस निकाल्ने तयारी गरेको छ । जुलुसअगाडि माइतीघर र माइतीघरस्थित कार्की पार्टी प्यालेसमा मानिसहरु भेला भएका छन् ।

जुलुसमा सहभागी हुनेहरुलाई कार्की पार्टी प्यालेसमा खानाको व्यवस्था गरिएको थियो । त्यहाँ उनीहरुको स्वास्थ्य परीक्षणको पनि व्यवस्था मिलाइएको थियो ।