चितवन । पछिल्लो समयमा चोरी सिकारीबाट गैंडा मर्न थालेपछि चितवन राष्ट्रिय निकुञ्‍जले नियमित गस्तीलाई तीव्र पारेको छ ।  यसैक्रममा शनिबार निकुञ्‍जमा सुरक्षार्थ खटिएको बटुकदल गणको टोलीले निकुञ्‍जको कोर इलाका अमलटारीस्थित नारायणी नदीमा छिरेर रात्रिकालिन समयमा अवैध रुपमा माछा मार्ने ३१ जना र माछा मार्न प्रयोग हुने ९ वटा डुंगासहित पकाउ गरेको हो  । 
 
निकुञ्‍जमा पछिल्लो समय सुरक्षा संवेदनशीलता बढ्दै गएको भन्दै गणपति अरुण श्रेष्ठले गस्ती गर्ने क्रममा उनीहरुलाई पक्राउ गरिएको जानकारी दिए । "पछिल्लो समय सुरक्षा थ्रेट पनि बढेको छ," गणपति श्रेष्ठले भने, "हामीले सुरक्षाको रणनीति परिवत{न गरी बिशेष अपरेशन चलाएका छौं ।"

सो क्रममा निकुञ्‍ज प्रशासन र बटुकदल गणको संयुक्त टोलीले भुसहरघाटबाट अमलटारीघाटसम्मको रवरबोट मार्फत सञ्‍चालन गरेको रात्रिकालीन डुंगा, नारायणी नदीको लामीचौर र डुंगाघाट क्षेत्रबाट माछा मार्नको लागि छाप्रो बनाइ बसेकाहरुलाई पक्राउ गरेको हो । 

उनीहरुको साथबाट ९ वटा खोपुवा डुंगा, तियारी जाल १४, ढडिया, टर्च-लाइट, प्लाष्टिकको पाल, खुर्पा, लत्ताकपडा, गुलेली, भाडाकुडा लगायतका सामाग्रीहरु बरामद गरी निकुञ्ज प्रशासनलाई बुझाएको श्रेष्ठले जानकारी दिए । "रातको समयमा माछा माने{ उद्धेश्य मात्रै नभई गैंडा माने{ मुख्य उद्धेश्य हुन सक्छ," श्रेष्ठले भने । 

गैंडाको मुख्य बासस्थान रहेकै इलाकामा छाप्रो बनाई माछा मादै{ आएका कारण सुरक्षा चुनौती बढ्दै गएकोले अन्य संवेदनशील क्षेत्रमा समेत २४ सै घण्टा अपरेशन जारी गरिरहेको उनको भनाइ छ । 

गैंडा चोरी सिकारी बढेपछि संवेदनशील क्षेत्रहरुमा प्रविधियुक्त उपकरणहरु जडान, ड्रोनको प्रयोगबाट निगरानी तालिमप्राप्त कुकुरको टिमको समेत प्रयोग गरि दैनिक गस्तीको कार्यहरु सञ्‍चालन गर्दै आइरहेको निकुञ्जले जनाएको छ ।