६ महिनापछि खुलेको यातायात, गोंगबु बसपार्कको माहोल (फोटो फिचर)

विशेष

६ महिनापछि खुलेको यातायात, गोंगबु बसपार्कको माहोल (फोटो फिचर)

बिहीबार, असोज १, २०७७

६ महिनापछि खुलेको यातायात, गोंगबु बसपार्कको माहोल (फोटो फिचर)

काठमाडौं । आजबाट लामो दूरीमा सवारीसाधन सञ्चालन भएका छन् । सरकारले गरेको निर्णयअनुसार आजबाट लामो दूरीका सवारीसाधन पनि सञ्चालनमा आएका हुन् ।

लामो दूरीमा सवारी साधन सञ्चालन गर्दा एकपंक्तिमा रहेको सिटमा एकजनामात्रै यात्रु राख्न पाइनेछ भने व्यवसायीले ५० प्रतिशतसम्म भाडा बढी लिन पाउनेछन् ।

झन्डै ६ महिनापछि खुलेको यातायात क्षेत्रका लागि आज विशेष दिन पनि हो । आज विश्‍वकर्मा पूजासँगै थन्किएका सवारीसाधन चल्ने भनिएसँगै सवारीसाधनका कर्मचारी तथा व्यवसायीहरु पनि खुसी देखिएका छन् ।

काठमाडौंको गोंगबुमा रहेको बसपार्कमा पनि आज सवारीसाधनहरुको सरसफाइसँगै पूजा गरिएको छ । गाडीका कर्मचारीहरुले यात्रुलाई सेवा दिनका लागि तयारी थालेका छन् । बसपार्कमा टिकटका लागि सोधपुछ गर्न सर्वसाधारणहरु पनि पुगेका छन् । हेरौं थप तस्बिर :