दाङ । दाङमा समुदायस्तरमा कोरोना संक्रमण पुष्टि हुने क्रम जारी छ ।
दाङमा सोमबार फेरि १२ जनामा कोरोना भाइरसको संक्रमण पुष्टि भएको छ । राप्ती स्वास्थ्य विज्ञान प्रतिष्ठानमा गरिएको स्वाब परिक्षणमा घोराही उपमहानगरपालिकाका ३ महिला र ९ जना पुरुषमा गरी १२ जनामा कोरोना पुष्टि भएको छ ।
जिल्ला स्वास्थ्य कार्यालयका फोकल पर्सन कमल चन्दका अनुसार आज कोरोना पुष्टि हुनेमा घोराही १४ का ५९, ५२ र ६५ वर्षका पुरुष रहेका छन् । त्यस्तै १४ कै २२ र ४६ वर्षीया महिलामा पनि कोरोना देखिएको छ ।
त्यसैगरी वडा नम्बर १५ का ५०, ५६, ३०, २१ र ३३ वर्षका पुरुष र १५ वर्षीया महिलामा पनि कोरोना संक्रमण पुष्टि भएको छ ।
त्यसैगरी वडा नम्बर १० की ३३ वर्षीया महिलामा पनि कोरोना पुष्टि भएको फोकल पर्सन चन्दले बताए । योसँगै दाङमा कोरोना संक्रमितको कुल संख्या ७ सय ८४ पुगेको छ । जसमध्ये ६९८ जना भने निको भएर डिस्चार्ज भइसकेका छन् । अब सक्रिय संक्रमितको संख्या ८४ जना रहेको छ । जिल्लामा २ जनाको मृत्यु भएको छ ।
