एजेन्सी । चर्चित गायन रियालिटि शो ‘इन्डियन आइडल’ को १२ औं संस्करण सुरु हुने भएको छ । भारतीय टिभी सोनीले यस पटकको अडिशन अनलाइन गर्ने घोषणा पनि गरेको छ ।
महामारीका बिच इन्डियन आइडल १२ को अडिसन अनलाइन मार्फत यहि जुलाई २५ मा हुँदैछ ।
सोनी टिभीले हालै यसको प्रोमो पनि सार्वजनिक गरेको छ । जसमा आदित्य नारायणले अडिशनका लागि कुरिरहेका दर्सकलाई देखाउँदै उनीहरुको गायनको सपना पुरा गर्न सो पहिलो कदम चाल्न तयार भएको जानकारी दिएका छन् ।
साथै आदित्यले इच्छुक दर्शकले सोनी लाइभ एपमा आफ्नो भिडियो पठाउन सक्ने जानकारी पनि दिएका छन् । अडिसनको दोस्रो राउण्ड पनि अनलाइनमै हुने जानकारी पनि दिइएको छ ।
उदघोषक आदित्यका साथै पछिल्लो सिजनका निर्णय विशाल डडलानी, नेहा कक्कड र हिमेश रेशमिया पनि आगामी सिजनमा देखिने छन् । यद्यपि सो कहिलेदेखि सुरु हुन्छ भन्ने विषय भने अन्यौल नै रहेको निर्माण टिमले जानकारी दिएको छ । इन्डियन एक्सप्रेस
