काठमाडौं । निर्माता सन्तोष सेनले ‘प्रेम गीत–३’ पछिको तयारी सुरू गरेका छन् । कोरोना संक्रमणको जोखिमका कारण ‘प्रेम गीत–३’ रिलिज गर्न नपाएका सेनले अर्को चलचित्रको तयारी सुरू गरेका हुन् ।
एक महिना देखि नयाँ चलचित्रको तयारी गरिरहेको उनले बताए । उनीसँगै नायक प्रदीप खड्का र निर्देशक रामशरण पाठक एक महिनादेखि नयाँ चलचित्रको तयारी गरिरहेका हुन् ।
कमेडी लभ स्टोरी जानराको चलचित्रका लागि आइडियामा काम गरिरहेको उनले बताए । “अहिलेलाई रामशरण पाठकले नै चलचित्रको स्टोरी लेख्ने कुरा छ । तर भोलि लेख्दै जाँदा अरुलाई पनि हायर गर्न सक्ने अवस्था आउन सक्छ,” सन्तोष भन्छन् । सन्तोषका चलचित्रका प्रायः प्रदीप खड्का छुट्दैनन् ।
विग बजेटमा बनेको सन्तोष सेनको चलचित्र ‘प्रेम गीत–३’ लकडाउनका कारण रिलिज हुन सकेको छैन । गत चैतको अन्तिममा रिलिज हुने भनिए पनि कोरोनाका कारण हल नै बन्द भएपछि उनको चलचित्र रिलिज हुन सकेको छैन ।
अवस्था सहज भए र आफ्नो प्रस्ताव चलचित्र विकास बोर्ड र सिनेमा हलले माने दसैंमा रिलिज गर्ने अन्यथा चैत पर्खिने उनले जानकारी दिए । सन्तोषले चलचित्र विकास बोर्डले पब्लिसिटी खर्च उपलब्ध गराउनु पर्ने र देशभरका सबै हलमा बक्स अफिस लागु गर्नु पर्ने तथा हलले मिनिमम् ग्यारेन्टी गरे दसैंमा रिलिज गर्ने अन्यथा प्रदर्शनका लागि चैत कुर्ने बताए ।
