एजेन्सी । राष्ट्रिय पुरस्कार विजेता गीतकार तथा पटकथा लेखक जावेद अख्तरले प्रतिष्ठित रिचर्ड डकिन्स पुरस्कार जितेका छन् ।
अख्तरकी श्रीमती शबाना आजमीका अनुसार जावेदको आलोचनात्मक सोच, अनुसन्धानका क्रममा धार्मिक धारणा राख्ने, मानव प्रगति र मानवतावादी मूल्य मान्यताहरूको सम्मान गर्ने गरेका कारण सो पुरस्कारबाट सम्मान गरिएको हो ।
साथै उनले ट्विटरमार्फत् नै पुरस्कार प्राप्त गरेकोमा बधाई पनि दिएकी छन् ।
हरेक वर्ष प्रदान गरिने यस अवार्ड, यस वर्ष जावेदले पाएका हुन् । साथै उनी यो अवार्डबाट सम्मानित हुने पहिलो भारतीय नागरिक पनि बनेका छन् ।
यस प्रतिष्ठित अवार्ड पाउन सफल अख्तरलाई अहिले ट्विटरमा बधाइको ओइरो लागेको छ । जसमा बलिउड कलाकारहरू अनिल कपुर, दिया मिर्जा लगायत पनि छन् ।
यस अवार्डको नाम एक प्रसिद्ध जीववैज्ञानिकको नामबाट राखिएको हो । उनी धर्मनिरपेक्षता, तर्कसंगतवाद र वैज्ञानिक सत्यतालाई समर्थन गर्दै जनमानसको मान्यता सार्वजनिक गर्न रुचाउँथे ।
भारतीय चलचित्रका एक प्रमुख व्यक्ति जावेद अख्तरले विभिन्न सामाजिक विषयमा समर्थन जनाएका छन् । भने सीएए, इस्लामोफोबिया जस्ता विषयमा आफ्नो धारणा व्यक्त गर्न कहिल्यै पनि हिचकिचाउँदैनन् ।
(इन्डियन एक्सप्रेस)
