जनकपुर । प्रदेश २ मा आइतबार पुनः ८३ जना नयाँ संक्रमित भेटिएका छन् । 

शुक्रबारसम्म प्रदेश २ मा संक्रमितको संख्या ९८३ जना थियो । शनिबार ८३ जना संक्रमित थपिएपछि उक्त संख्या १०६६ पुग्यो भने आइतबार पनि थप ८३ जनामा संक्रमण पुष्टि भएपछि कुल संक्रमितको संख्या ११४९ पुगेको हो । 

पछिल्लो २४ घण्टामा संक्रमित पुष्टी भएकोमा सबैभन्दा बढी सर्लाहीमा ७४ जना छन् । यो समेत सर्लाहीमा संक्रमितको संख्या २५० पुगेको छ । महोत्तरीमा ५, सिरहामा २ र धनुषा तथा रौतहट एक जनाको दरले नयाँ संक्रमितहरुको पुष्टी भएको हो । 

पछिल्लो तथ्यांक अनुसार प्रदेश २ मा सबैभन्दा बढी संक्रमित रौतहटमा ३९७, सर्लाहीमा २५०, पर्सामा १११, धनुषामा १०१, महोत्तरीमा ९२, सप्तरीमा ७६, बारामा ७० र सिरहा ४९ जना तथा पर्साबाट संक्रमित देखिएका ३ जना भारतीय हुन् । ती मध्ये २०३ जना संक्रमित निको भएपछि अस्पतालबाट घर फर्केको सामाजिक विकास मन्त्रालयले जनाएको छ ।