काठमाडौं । बाँके र सिन्धुपाल्चोकमा गाई तथा गोरु काटेको आरोपमा दुईजना पक्राउ परेका छन् । बाँके, खजुरा गाउँपालिका–८ चमक बस्ने ४० वर्षीय नविबक्स अली दर्जीलाई गाई काटेको आरोपमा पक्राउ परेका हुन् ।

प्रहरी चौकी रनियापुरबाट खटिएको प्रहरीले दर्जीलाई गाईको मासु सहित घटनास्थलबाटै पक्राउ गरेको हो । घटनामा संलग्न अन्य दुईजना फरार छन् । यस्तै गोरु काटेको आरोपमा सिन्धुपाल्चोक, इन्द्रावती गाउँपालिका–६ सिपाखोला बस्ने ४२ वर्षीय यमबहादुर तामाङ पक्राउ परेका छन् । अन्य दुईजना फरार छन् ।